Nola bakerako askoz hobea den liskarrak gertatu baino lehen aurreikustea eta ez gertatu ondoren konpondu behar izatea, eta nola gizonok nirea eta zurearen, zuzena eta bidegabekoaren, baliagarria eta alferrikakoaren, ona eta txarraren, zintzoa eta gaiztoaren inguruan egiten ditugun eztabaida guztiak nork bere iritziaren arabera hartzen ditugun, garbi dago botere goren berari dagokiola guztientzako balioko duten arau edo neurri komunak aurkeztu eta publikoki jakinaraztea, horien arabera, denek jakin ahal dezaten zeri deitu berea eta besteena, zuzena eta bidegabekoa, zintzoa eta gaiztoa, ona eta txarra; hitz gutxitan, zer egin behar den eta zer saihetsi bizitza komunean.