Fitotoponimia galega é un exame da toponimia galega relativa á flora, á terminoloxía botánica e a outros campos semánticos próximos. Partindo do estudo dos topónimos da Galicia meridional, pero con referencias á toponimia de toda Galicia e doutras áreas peninsulares, este volume ocúpase do estudo etimolóxico, semántico e morfolóxico de cerca de 8000 nomes de lugar. A análise de cada unha das formas vai acompañada de atestacións medievais que corroboran a etimoloxía proposta e dan información sobre as primeiras documentacións e a historia dos topónimos. Gonzalo Navaza é profesor de Filoloxía Galega na Universidade de Vigo, membro da Comisión de Toponimia e da Asociación Galega de Onomástica.