Recóllense en oito volumes as ponencias do XIX Congreso Internacional de Lingüística e Filoloxía Románicas, o máis importante neste campo, que se celebrou en Santiago de Compostela no ano 1989. O Vol. VII recolle os traballos presentados á Sección IX, titulada "Filoloxía medieval e renacentista", que, debido á súa extensión, foi dividida en dous apartados: un referente á crítica textual e edición de textos e outro á historia e crítica literarias. Nesta sección recóllese unha conferencia plenaria sobre a metodoloxía da edición dos textos, unha mesa redonda sobre tradicións manuscritas, edición e variación e numerosas comunicacións sobre os temas máis variados de filoloxía medieval e renacentista, que van desde subsidios para edición crítica de obras ou autores e comentarios para a mellor comprensión dalgúns textos ata os estudios de carácter literario sobre unha obra ou autor determinados.