Recóllense en oito volumes as ponencias do XIX Congreso Internacional de Lingüística e Filoloxía Románicas, o máis importante neste campo, que se celebrou en Santiago de Compostela no ano 1989. O vol. II recolle os traballos presentados á Sección II, titulada "Lexicoloxía e Metalexicografía". Estas comunicacións tratan de temas de tódalas linguas románicas, preferentemente dos idiomas castelán, francés, portugués e italiano. Estes temas refírense fundamentalmente ó estudio do léxico, e así atopamos estudios sobre diccionarios etimolóxicos, sobre a etimoloxía de determinadas palabras, sobre diccionarios monolingües ou bilingües, sobre diccionarios de dobletes, sobre a metáfora, a antonimia, a homonimia e a polisemia, sobre a estructura do vocabulario, os derivados siglares, o vocabulario representativo, nomes de animais ou utensilios, arabismos, anglicismos, extranxeirismos, etc.