Izan dira izarzale asko nire aurretik. Etorriko ahal dira gehiago ondoren! Alar dut izena eta izarrak maite ditut. Haien bakea eta argia. Haien xuxurla isila. Hendaiarra naiz. Beharbada horrexegatik dauka halako pisua nire ametsetan Antton Abbadiak. Huraxe dut, izarzale guztien artetik, kuttunen. Hendaian bizi izan zen luzaro, ni bezala, baina, ni ez bezala, dozenaka herritan ibili zen bidaiari, ikertzen, jakin-mina pizten, hizkuntzak ikasten, euskara bultzatzen. Ahal bezainbeste ikusi zuen, ahal bezainbeste ikasteko.