A Illa do Silencio conta as aventuras dun rapaz calquera, nacido na ribeira do río Sil, que abandona o seu berce na procura dunhas moedas que poidan sacar a súa familia da miseria que se vive nos últimos anos do século XVI, unha época marcada polas guerras e as pandemias. Embarca o mozo nunha nave rumbo ás Novas Terras, conquistadas e reducidas á escravitude polos colonos europeos. Coñece en galeras... onde rema condenado para o resto dos seus días... un vello pirata que lle entrega o plano dunha misteriosa illa, na que se esconde un valioso tesouro.