Imaxina que unha avelaíña chega á pantalla do teu ordenador cunha chamada de auxilio procedente dunha descoñecida páxina web. Que, para accederes a ese sitio e prestares axuda, tes que facerte amigo dun virus informático con figura de terrible can. Que, despois de atravesares polo sitio máis solitario do mundo, chegas a unha cidade onde te consideran inimigo. Que apareces nas pantallas como un hácker intruso perigoso. E que, a pesar de todo, consegues saír vitorioso. Pois todo iso viviuno Manoliño Singapur.